Hirigintza

Lekua: Urduña
Eskala: Herria
Urtea: 2018
Bezeroa: Urduñako Herri Eskola eta Urduñako Udala
Kolaboratzaileak:

info + :   Aiaraldea.eus    elcorreo

Eskola komunitatea irakasle, ikasle, guraso zein herriko biztanleengatik osatua dagoela ulertzen dugu, kasu honetan bizilagun hoiek Urduñako herritarrak izango liratezke. Horregatik, prozesu honetan protagonistak ikasleak izan badira ere, lanketa komunitate osoarekin egitea ezinbestekotzat jo dugu. Garrantzitsua da garatuko den proiektuak komunitatearen implikazioa eta babesa izatea, horrek bermatuko baitu hein handi batean proiektuaren etorkizuna.

Proiektuan hiru fase bereizi dira, diagnostikoa,diseinua eta eraikitzea.

Diagnostiko fasea: Gaur egungo patioaren inguruko aragzki osatu bat izatea izan du helburu. Saio ezberdinak burutu dira haurrekin, herritarrekin eta hezitzaileekin.

Diseinu fasea: Fase honen helburua diagnostikotik ateratako emaitzetatik abiatuta patioaren konfigurazio berri bat proposatu eta osagarritzeko nahi diren elementuak identifikatzea izan da.

Eraikitze fasea: Diseinu fasean lortutako emaitzekin eta eskura geneuzkan baliabideak kontuan izanik, eraikitze fasea auzolan bidez egitea proposatu da. Hezkuntza komunitatetaren eta udalaren inpolikazioarekin auzolan saio ezberdinak eraman dira aurrera, eta baliabide mugatuak izanda ere patioaren bermoldaketa bat posible dela argi geratu da. Oso garrantzitsua izan da herritarren aldetik agertu den lanerako prestutasuna eta auzolana aurrera eramateko izan duten motibazioa.

Hirigintza

Lekua: Tolosa
Eskala: Hiria
Urtea: 2018
Bezeroa: Tolosako udala

Tolosako Udal kultur ekipamenduen azterketa, herriarentzako proiektu estrategiko bat izan da.
Jardueren berrantolamendu egoki bat planteatzeaz gain, hiriak dituen potentzialitateak askatzeko baliogarria izan baita.

Lan hau burutzeko beharrezkoa izan da Tolosako Udaleko sail
guztietako teknikariekin biltzea, eraikin bakoitzean burutzen diren jarduerak
ezagutzea eta Tolosarentzako estrategikoak izan daitezkeen proiektu
estrategikoak jasotzea.

Horretaz gain, eraikin guztiak ikuskatu eta behar zen kasuan, neurketak eta
planoak altxatu dira. Gaur egungo erabileren planoak ere burutu dira,
eraikinen ezaugarri eta aukerak ezagutuz.
Guztia, zinegotzi eta teknikariek osatutako koordinazio taldearen
kontrastearekin burutu da.

Horrela, hurrengo emaitzak lortu dira:
• Udal ekipamendu eta jardueren katalogo teknikoa
◦ Eraikin bakoitzaren ezaugarriak eta hirizpide batzuen araberako
balorazioa
◦ Jarduera bakoitzaren kokapen zehatza, beharrak eta balorazioa
◦ Eraikinen argazki eta planoak
• Kultur jardueren antolaketa berrirako proposamen estrategikoa
◦ Egoeraren diagnostikoa eta jardueren mapa
◦ Beharren identifikazioa
◦ Berrantolaketa proposamena
◦ Eraikin bakoitzarentzako proposamen zehatza, programa
arkitektonikoa eta aurrekontua

Hirigintza

Lekua: Azpeitia
Eskala: Hiria
Urtea: 2017
Bezeroa: Azpeitiko udala
Kolaboratzaileak: LZB arkitektura

Azpeitin kultur espresioak izaera herritarra hartzen du. Herriko Kultur Mahaiaren inguran antolatzen dira 40 eragile inguru. Eragile hauen beharrei erantzuteko ko-diseinu prozesu bat abiatu zen soreasuko eraikin publikoaren 1500m2 inguru egokitzeko. Hiritik At LZB arkitektura estudioarekin batera prozesu honen emaitzak eta ideiak jaso zituen eta exekuxio proiektua gauzatu zuen.

Hirigintza

Lekua: Tertanga
Eskala: Eskualdea
Urtea: 2015
Kolaboratzaileak: Urtxintxa eskola

Urtxintxa eskolarekin elkarlanean, Tertangan haur parkea diseinatzeko eta eraikitzeko proiektua burutu dugu. Urtxintxak, haurrekin egindako parte hartze prozesua eraman du aurrera parkearen diseinua definituz eta Hiritik At-ek teknikoki laguntza emateaz gain jolasgunearen eraikuntzan koordinazio lana egin du.

Hilabete iraun duen prozesu honetan haurrek diseinatu dute parkea eta baita bertako elementuak. Ondoren auzolanean eta komunitatean eraiki dugu jolas parkea haur, guraso, begirale eta teknikoen artean.

Hirigintza

Lekua: Lekeitio
Eskala: Hiria, espazio publikoa
Urtea: 2014
Iraupena: 6 hilabete
Bezeroa: Lekeitioko udala

Lekeitioko Abaroa jauregia biziberritzeko asmoz, bertako Udalak Hiritik At elkarteari esleitutako proiektua da ”Abaroa biztu!”. Ikerketa Ekintza Parte Hartzailearen bitartez Lekeitiarrek espazio horrek eskeini dezakeenaren inguruan eztabaidatu dute. Honez gain jauregiaren eraldaketa fisikoa abiarazi eta Abaroaren izaera berria erabaki dute 6 hilabeteko prozesu herritarrean.