Covid19aren iritsierak gure lurraldea egoera berri baten aurrean jarri du. Osasunari loturiko krisi batek, gure jendartearen ziurtasun asko jarri ditu dantzan.

Proiektu hau, krisiak suposatu duen talkatik, eman diren erantzun publiko eta komunitarioetatik ikasi, eta zaintza ekosistema dentsoagoak artikulatzeko bideak proposatzera dator.

Covid19-ak, bizi gaituen sistema kapitalista, hetero-patriarkal eta ekozidaren egiturazko krisi asko agerian utzi ditu. Beste askorenean sakontzera eraman gaitu honi emandako erantzunak. Ezinegonez baina baita determinazioz esan dezakegu modernitate kapitalistaren kolapsoaren atarian gaudela.

Eta honen aurrean zer?

Proiektu honetan ESEko esperientzia askok krisi anitz honi erantzuteko izan duten gaitasuna aztertu dugu. Era berean, sortu behar dugun eredu post-kapitalistari begira ESEko esperientzia askok duten potentziala ere aztertu eta landu dugu.

Hemendik, asmoa zabalpenerako material dibulgatiboa sortzea izan da. Alboan utzitako bideoak ekoiztu ditugu horretarako.