Hirigintza

Lekua: Hirigintza
Eskala: Herria
Urtea: 2024
Bezeroa: Idiazabalgo Udala
Kolaboratzaileak:
Info + :
– https://kimubat.eus/eu/kimubat-paisaia/proiektuen-galeria/jolas-eremu-naturalak/escuela-infantil-de-idiazabal
– https://goierri.hitza.eus/2025/07/23/aita-iparragirre-eskolako-patioa-eraldatzeko-lanak-martxan/

Idiazabalgo Aita Iparragirre Eskolako jolastokia eraldatzeko prozesu parte-hartzailea garatu da, Idiazabalgo haurrek zein hezkuntza komunitateak espazioa diseinatzeko aukera izan zezaten. Jolastokiaren eraldaketa proiektua hezkuntza komunitatetarekin modu parte-hartzailean garatzeak jolastokia berritzetik haratago, hezkuntza komunitatea bera indartzeko eta elkarbizitza balioetan hezteko aukera eskaintzen du. Horretarako, jolastokia balore egokietan hezteko espazioa egokia, genero berdintasuna sustatzen duena, adin guztietako haur eta gaztetxoentzat egokitutako eskaintza duena eta natura, parte-hartzea, aniztasuna, autonomia, jolasa eta sormena ardatz dituen eremu bihurtzea izan da helburu nagusia.

Prozesua lau fasetan garatu da: aurreazterketa, diagnostikoa, proposamea eta deboluzioa. Fase bakoitzean parte-hartze espazio eta ekintza ezberdinak antolatu dira hezkuntza komunitatearen parte diren ikasleak, irakasleak, eskolako langileak, familiak, herriko hezkuntza ez-formaleko eragileak eta herritarrak, espazioaren erabilera, beharrak eta ametsak partekatzeko.

Hausnarketa kolektibo horretatik abiatuta erronka argia izan da: komunitate osoarentzan topagune atsegina sortzea; eta erronka nagusi hori lortzeko bidean lau azpi-erronka identifikatu dira:

• Naturari leku gehiago ematea
• Jolas aukera aniztasuna bermatzea
• Euri egunetan aukera parekoak eskeintzea
• Kanpo espazioen arteko konexioak lantzea

Erronketatik abiatuatuta eraldaketa proiektuan sei gune proposatu dira: kirolgunea, berdegunea (trebatzeko gunea, lasai egoteko gunea, uraren gunea), estalpea, esperimentazio gunea, jolas gunea eta txikien gunea.

Faseka eraldatzeko asmotan, 2025eko udan Haur Hezkuntzako eremuaren eraldaketa eman da.