Aholkularitza estrategikoa

Lekua: Ordizia
Eskala: Udalerria
Urtea: 2025
Bezeroa:  Ordiziako Udala
Kolaboratzaileak: GISLAN
info +:

Ordiziako Etxebizitza Plana udalerrian etxebizitza eskubidea modu eraginkorrean bermatzeko helburuarekin garatu da, egungo testuinguru sozioekonomikoa eta udalaren eskumen eta baliabide errealak kontuan hartuta. Prozesua diagnostiko parte-hartzaile baten bidez hasi da, bereziki adinekoen elkarteekin egindako elkarrizketen bitartez, eta ondoren lau ardatzetan antolatutako ekintza plan estrategiko batean gauzatu da.

Planaren ardatz nagusiak alokairuzko parke publikoaren hazkundea, etxebizitza hutsen mobilizazio aktiboa, laguntza eta prestazioen sistemaren hobekuntza, eta gobernantza eta koordinazio instituzionalaren indartzea dira. Horretarako, babes publikoko etxebizitzen sustapena, Bizigune eta antzeko programen indartzea, neurri fiskalak eta arautzaileak, eta hiri barruko berroneratze estrategiak aurreikusten dira. Plana tresna operatibo gisa ulertzen da, epe labur-ertainean neurri zehatzak martxan jartzeko eta Ordizian etxebizitza eskuragarri eta duinaren aldeko politika publikoak sendotzeko.